Vajk nas pitaju ki vrag nan je bija da smo pošli biru delati kad imamo sakramensku verduru i sir? Ma mi smo se stili jeno malo maknuti z kampanje, tobože da je liplje i sigurnije delati u zaprtemu i teplemu.

Ma kako nas je korona kojenala i oštarije su nan zaprli #alenvitasovic tornali smo se `back to reality`.

Jenu večer smo u lišjeri jili i pili i s Filicom (tacom od Pekice) kušeljali.

I lipo nan je Filice reka “ne kapite da ste živi, aš znate da se tu žito ne sije febraja miseca. Vero, to ćete lako požeti. Ča sol u more rabi hitati?”

Ali kako si mi nedamo reći, aš da si damo reći ne bi nanke biru počeli delati, žito smo posijali. 🌱

Kako za urtu još je i pa snig u aprilu misecu.

Stešo se to naše žito se borilo s Filicovim urokima i snigom i rivalo naresti.

U sedmom misecu smo ga poželi i u devetemu finalmente poslali na preradu.

Sad čekamo da se torna i šperamo da ćemo već početkom 2022. delati biru s našim sladom. Ole! Dajte nam kuraja.