Kampanjola je bira od ječma iz vlastitog uzgoja

Vajk nas pitaju ki vrag nan je bija da smo pošli biru delati kad imamo sakramensku verduru i sir? Ma mi smo se stili jeno malo maknuti z kampanje, tobože da je liplje i sigurnije delati u zaprtemu i teplemu.

Ma kako nas je još 2020. korona kojenala i oštarije su nan zaprli #alenvitasovic tornali smo se `back to reality`.

Ni druge, nego početi sijati svoje žito za biru i biti samodostatan. 

Jenu večer smo u lišjeri jili i pili i s Filicom (tacom od Pekice) kušeljali.

I lipo nan je Filice reka “ne kapite da ste živi, aš znate da se tu žito ne sije febraja miseca. Vero, to ćete lako požeti. Ča sol u more rabi hitati?”

Ali kako si mi nedamo reći, aš da si damo reći ne bi nanke biru počeli delati, žito smo posijali.

Kako za urtu još je i pa snig u aprilu misecu.

Stešo se to naše žito se borilo s Filicovim urokima i snigom i rivalo naresti.

U sedmom misecu smo ga poželi i u devetemu  poslali na preradu.

Bilo je to 2022. i od onda Kampanjola je bira od ječma iz vlastitog uzgoja. Ole!